Cardano (ADA) 自2017年推出以嚟，首次喺九月錄得升幅。詛咒被打破，ADA上個月大升近8%。
呢個變化對ADA嚟講意義重大，有機會預示十月會有持續反彈。
根據Cryptorank數據，今次九月表現係前所未見。加密貨幣分析師Plutus認為，ADA有機會追隨比特幣過往嘅月度回報。「貨幣政策開始放鬆」，Plutus指出，呢個趨勢有望推動未來幾個月表現。
比特幣歷來第四季表現強勁。十月尤其突出，自2013年以來只有兩次錄得跌幅。對比之下，ADA以往十月表現較弱，但而家放寬貨幣政策有機會改變呢個局面。美國聯儲局減息同中國刺激措施，都推動咗ADA九月升幅，同時有機會促進進一步增長。
Cardano喺2023年第四季一度錄得雙位數升幅。今年如果有相近表現，ADA有望突破1美元，再創年度新高。
技術分析方面，Plutus指現時Heikin Ashi月線燭台呈現綠色，有明顯轉勢信號。Cardano基本面亦唔弱，佢既保密協議Midnight Network最近測試網上線，目標係保障用家喺去中心化應用嘅數據安全，有助吸引新用戶加入Cardano生態。
Cardano正邁向「Voltaire」時代，主攻社群自治管理，鞏固其中一個最去中心化網絡地位。
雖然有咁多利好消息，ADA目前全年仍累跌近40%。投資者會緊貼睇下九月升勢可唔可以推動第四季延續強勢。