根據 Dune Analytics 數據，Solana 上嘅 Pump.fun 平台 memecoin 項目死亡率創新高，「畢業率」連續第四周低於 1%。
呢種慘淡表現標誌住平台有史以嚟最長時間生還率低於 1%。所謂畢業率，係指代幣成功完成孵化期，又達到指定流動性及交易要求，可以完全喺 Solana 去中心化交易所上交易。
數據顯示，跌勢喺 2 月 17 日開始，並一直持續到 3 月中，反映投資者對呢啲高度投機數字資產嘅態度明顯改變。即使去年 11 月 Pump.fun 表現最好時，都只有 1.67% 發行嘅代幣最終可以公開交易。
Matrixport 分析師近期報告寫到：「美金近排轉弱，流動性指標出現反彈，通脹數據都有少少改善。不過，即使環境轉好，上輪牛市強勁主題之一嘅 memecoin 繼續表現低迷，毫無復甦跡象。」
最近數月，無論係 Pump.fun 定 Solana 生態整體，代幣創建量都有明顯下滑。根據 Dune Analytics，呢個平台每星期平均畢業數量只剩約 1,500 枚代幣。相比之下，去年 11 月高峰一星期有約 5,400 枚新代幣入場加入 Solana DeFi 經濟。
形勢反映投資者對 memecoin 興趣大跌，依家愈來愈多人將佢哋視為高風險投機工具，或者只是發起人賺快錢嘅渠道，而唔係可持續投資選擇。即使在通常對高風險資產較有利嘅宏觀環境下，呢個趨勢都無改善。
即使係知名度高嘅 memecoin 項目都難以維持價值。根據 CoinGecko，前美國總統特朗普相關代幣自 1 月 19 日創新高後已經下跌 84%。
一般來講，有利加密貨幣升值嘅巿況都無令 memecoin 板塊起死回生。美匯指數由 2 月 28 日高位 107.61 跌至 3 月 14 日 103.95。按常理，美金走弱應該對加密貨幣有利。
Matrixport 分析指 memecoin 崩盤導致加密貨幣總市值狂減 1 萬億美元。「財富重新分配之下，投資者可能保持觀望，資金流入會減慢，即使有通脹好過預期都只會帶來有限反彈。」報告指出。
分析以警告作結，指比特幣或會面臨進一步下壓力，有機會回落至約 73,000 美元，Matrixport 認為呢個價位會為比特幣帶嚟「強力支持」。